UZU BY FLOWFUSHI

UZU EYE OPENING LINER

​呢支 UZU 眼線液一直都好hit，我自己都用過 5-6 支。因為去日本買成日都斷貨買唔到，所以我一直都係喺香港買。雖然以開架品牌嚟講佢價錢算偏貴，但因為好用我都一直回購。我本身係內雙加油眼，平時用好多牌子嘅眼線液都會溶，唯獨呢支可以 keep 得好好、唔會溶，而且佢隻Brown Black 啡黑色夠深，隻啡色調得最靚！
​不過我近 2 年買嘅新版本真係唔同左。雖然用起來一樣咁持妝，但近年用個2支，都係用咗個幾月左右就開始變乾，跟住直頭唔點出墨，變得好難畫！依家對佢有少少失望，已經轉咗用其他牌子，但如果佢之後改善左呢個問題，為咗呢隻最靚嘅啡色我依然會想用返佢。