BANILA CO

升級版緻柔卸妝膏

粉紅色基本款
白色膏狀卸妝，乾手乾面用。少少淡香，唔算濃烈。

雖然係膏狀，但輕輕打圈按摩就已經轉化成油狀。(記得要用附上嘅膠匙去拎，因為手嘅温度會令佢開始融化🫠)
好快已經溶解到彩妝底妝，加少少水打圈乳化再沖水就搞掂。過水後清爽唔覺得皮膚會好繃緊。有時冇化妝都會照樣用，會搓到少少暗粒黑頭出嚟。

方便使用同携帶，唔需要另外用化妝棉去抹先過水，去旅行都唔驚放喺行李度會漏出嚟/倒瀉。

需要留意嘅係用喺眼部時記得沖水要沖得好乾淨，有時乳化咗沖唔夠水會有層白濛濛，但就唔會嗱眼。

性價比高，一大罐可以用到好耐。呢個價錢做到呢個效果已經交足功課。