Visée

華麗唇膏胭脂霜

Visee嘅華麗唇膏胭脂霜主打一色兩用，可以同時用作唇膏同胭脂點綴唇同臉頰。官方主打簡單締造自然血色感的立體妝容。


感謝 @cosme揀中會員禮，今次收到嘅係深粉紅色，亦都有附上一個迷你嘅粉撲。

呢款唇膏胭脂霜顯色度高，用手指輕輕上一上臉頰即刻已經好深色。但係個人覺得用手上好易失手，因為一上臉嗰一下就已經上咗去，甩唔到好難化開，所以如果用粉撲上臉嘅話會較好。

唇膏嘅話我覺得比較難用，因為整體質地其實比較乾，而我平時用開上嘴唇嘅唇膏係比較潤同埋保濕嘅，所以我個人就唔太鍾意用呢款質地上嘴。

整體嚟講，用呢一款作胭脂嘅話顯色度高同埋持久度都高，但係要小心唔好失手嘅話盡量用返粉撲上會比較好。