Clé de Peau Beauté

高效煥活眼霜

呢款 CPB 眼霜我都用咗一段時間，整體嚟講係偏滋潤型，而且用落感覺都幾高質。

先講質地，佢係奶白色，初上手會覺得偏厚重，但其實推開之後都算順滑，而且吸收速度比想像中好，唔會長時間停留喺表面。氣味方面就正常，唔會太香，用落幾舒服。

效果方面，我覺得要講清楚一點：唔好期望一用就可以即刻冇晒細紋、眼袋或者即時「膨返」眼周，佢唔係走呢種即效路線。但持續用落去，的確會見到細紋有慢慢被減淡，眼周會睇落冇咁乾，整體質感有改善。

佢最大特色我覺得係「滋潤度」，真係非常夠。如果本身未到25+，或者眼周冇乜乾紋問題，其實未必需要用到呢個level；但如果開始有乾紋、或者用開偏乾嘅concealer，就會明顯覺得佢幫到手。

整體嚟講，我自己係幾鍾意呢款眼霜，用感舒服之餘又真係做到基本抗乾紋效果。如果有機會喺日本入手，價錢相比香港平唔少，CP值會再高好多，我會建議可以考慮多入手幾樽。