1028

超穩極細暹羅貓眼線液(小貓第3代)

1028呢枝眼線液出左好耐同埋都幾出名，但一直對台灣化妝品無咩感覺，入購呢枝純粹係一次意外，估唔到效果又OK.

首先講下我既膚質：乾肌但眼皮好油（化妝師講既我都唔知點解會咁😂），所以我要既眼線一定要防油！第2 個要求係畫出黎既線條要夠幼（手殘黨用唔到粗眼線液/ 眼線筆）。

睇圖就知呢枝眼線液個筆頭岩我要求，畫出黎夠幼，而且唔會太軟，有D眼線液望落筆頭好幼，但刷毛太軟搞到好唔穩定。
上眼（自然光）效果如下： 基本上可以畫到好精緻既眼線（滿意😎）
放工之後條眼線都keep到：（返到屋企已經係夜晚光線唔同左🥹）

證實防油效果ok, 睇埋防水：

凍水沖左30秒冇問題，
但！改用暖水沖，一抹就冇左7成🤣如果係容易流眼水既可能要注意定妝。呢到扣左D分。


整體黎講係OK! 價錢又唔貴又易買，可以考慮回購。