毛穴撫子

日本米精華保濕面膜

一包十片，面膜打開有淡淡嘅米味，精華液有啲似米湯一樣嘅白色水狀。面膜紙係厚棉材質，尺寸偏小無法完全敷到我額頭，不過好服貼。

尼款面膜幾特別，標榜能保濕同時又能緊緻毛細孔。膜敷上去冇任何刺激或不適感，不過精華液偏少所以大概敷8-10分鐘就會慢慢乾掉。面膜敷完後臉有一點緊緊嘅，毛細孔好似真係縮细左啲，同時亦幾保濕又無黏膩感。

有啲時候保濕冇做好會令塊面狂出油同毛細孔變大，係尼個時候極度推薦毛孔粗大且臉部肌膚易出油或乾燥膚質使用。