LA ROCHE-POSAY

抗敏全效修護乳

作為敏感肌同乾肌嘅用家，揀護膚品真係幾頭痛。好多產品唔係太潤太立，就係太水唔夠保濕，成份又要溫和，好難搵到平衡點。今次試咗理膚泉呢支B5 Ultralight Lotion好驚喜。

以前敏感嘅時候用過佢隻B5修護霜，對於佢嘅修復效果真係唔會有懷疑，不過質地比較厚重。今次呢支乳液嘅質地，一吱出嚟已經覺得好驚喜，算係比較輕身，推開個陣感覺好柔滑，好似融化係皮膚上面咁。最令我驚喜係佢吸收速度，大概等兩三分鐘就已經完全食入去，之後摸落去冇乜黏膩感，但同時又感覺到皮膚好柔軟。

產品入面含有5%維他命B5同積雪草苷呢啲修護成分，用落真係幾溫和。我試過幾次皮膚有乾燥紅同痕癢嘅時候，一搽完之後真係舒緩咗好多。
呢支乳液特別適合敏感肌日常保養或者 轉季時皮膚唔穩定嘅時候用。秋冬嘅時候用就最適合，夏天用可能都需要多少少時間先吸收到。