La Colline

活細胞眼部緊緻精華

首先多謝@cosme Hong Kong 比左個試用機會我體驗產我係混合肌偏油嘅肌膚用家（仲要長期對住電腦！），眼袋、眼尾紋同鬆弛問題近年愈發嚴重，眼底仲有淡淡灰影搞到成日睇落冇精神😣 一直堅持用眼精華打底，今次試咗La Colline呢支貴婦緊緻精華（$1880/15ml真係要狠下心！），同大家分享兩星期肌膚改變嘅實測：一泵出嚟係流動性超高嘅半透明凝露質地，指尖一推即刻「化水」滲入眼部皮膚，吸收後完全零黏膩，剩低啞緻乾爽觸感，即時補水力好驚艷，乾到繃緊嘅眼頭即刻鬆返，好似飲咗杯冰水咁舒暢。使用左眼精華的7日後眼部細紋明顯地淺咗，尤其瞇眼笑時冇再「摺埋一嚿」，眼袋都收緊左！

持續用14日重點變化：
早晚跟足品牌，由內向外提拉按摩，紋路明顯有減淡
鬆垮有救，木槿精華真係做到嘢！用到第10日，眼尾下垂位有種「被輕輕托起」嘅緊緻感，望落冇咁「耷」 ！
成分燕麥糖+透明質酸令眼周毛孔細緻度提升，自帶 柔焦！最驚喜係佢清爽得嚟，油肌用完全唔生粒粒！針對初老鬆垮同乾性細紋效果又快又明顯，朝早浮腫都輕微減退～不過頑固眼袋同深層紋就要有耐性。雖然價錢比較貴，推薦比大家絕對係有效果的產品。