LA ROCHE-POSAY

ANTHELIOS 全效廣譜輕盈隔離乳液 SPF50+

搽上面嘅感覺都幾有存在感，係會有少少油膩嘅感覺，不過防曬指數都算高，而且夏天暴曬都唔會曬黑，就算出汗喺塊面度唔會流到一撻撻。但如果追求清爽膚感，可能要避開呢款。

用量方面，夏天如果出街我會每日搽兩次，朝早一次，中午再補一次。面連頸每次大概用兩個銀仔咁大嘅量啦。第二次補搽之前會用濕嘅紙巾抹一抹塊面先至再上。日日咁嘅用量，一支大概可以用3個星期左右。

卸防曬方面，我就用洗面奶洗，都有聽過人話要用卸妝水。我用開嘅洗面奶感覺洗得都算干淨。記住一定要徹底洗干淨呀，特別係頸嗰度❗❗我試過冇點留意卸頸，結果搞到生暗瘡。。。

總結來講都幾好，防曬效果唔錯👍，價錢又唔算貴（因為夏天成日有promotion🤭），值得買！