LA ROCHE-POSAY

ANTHELIOS 全效廣譜輕盈隔離乳液 SPF50+

感謝@cosme揀中我試用La Roche-Posay截黑淡斑組合（包括Mela B3 透光淡斑精華 及 UVMUNE 400 全效廣譜輕盈隔離乳液 (抗斑配方)）！！

無論好天曬落雨淋，只要係出門我都會搽防曬，所以我對防曬最大嘅要求就係唔會痴lup lup、易推，同唔起擦膠碎，如果唔係出門口就要搞好耐

呢隻防曬係淡黃色液體/乳液狀，質地比起平時一管管擠出來嘅防曬來講算係非常易推，搽上面亦都唔會泛白，其實係幾合心意！暫時亦都無試過同morning routine嘅護膚品起擦膠碎

推開嘅味道就係防曬味😂唔識形容，但係就係去游水會搽個啲防水防曬嘅味，唔會好似部分日本防曬咁好重酒精味

可惜就係會有啲油膩感，會覺得有層膜係面上；不過既然佢係廣譜防曬，有高防曬力，呢個小缺點都可以接受，只要出門前拍一層蜜粉就得

防曬效果來講，我通常都係出門前搽完全日都唔會補搽，呢排大太陽都唔覺有曬黑到

整體來講，用曬呢支我都會考慮回購，但可能秋冬天用嘅感覺會好過潮濕嘅春夏用

再次感謝@cosme給予使用機會！