LA ROCHE-POSAY

ANTHELIOS 全效廣譜輕盈隔離乳液 SPF50+

La Roche-Posay 呢支新升級嘅 UVMUNE 400 抗斑隔離乳液 直接打破我對高防曬系數產品嘅所有偏見！

獨家 MEXORYL 400 濾光系統 —— 專治「極長波 UVA」
好多人以為搽咗防曬就唔會老，其實普通防曬根本擋唔住 極長波 UVA (380-400nm)！呢種極長波係直接射入皮膚真皮層、搞到肌膚曬老、鬆弛、生頑固黑斑嘅元兇。UVMUNE 400 係市面上極少數可以強效阻隔極長波 UVA 嘅防曬，保護力直接拉滿！

專利 Melasyl™ + 10% 級別維他命 B3 —— 防曬同時淡斑 ，防曬入面加咗精華級嘅專利淡斑成分 Melasyl™ 加上 Niacinamide (B3)！

NETLOCK 防護網狀科技 —— 戶外暴汗都唔怕，搽咗之後會喺皮膚表面形成一膜極薄、極透氣嘅保護網，高度防水、防汗，行山暴汗都唔會溶，長效鎖住防曬力。

1 質地：
質地係極致輕盈嘅水狀乳液 (Fluid)，流動性非常高，上手一抹即開，完全唔需要費力拉扯皮膚！抹開之後成膜速度極快，肌膚感覺好清爽、好貼服，完全唔黏膩、唔悶痘，透氣度畀足 100 分！

2 膚色更提亮、均勻？曬後更快更有力地恢復淨白？
佢完全清爽隱形、不泛白，吸收完之後皮膚望落有一種好健康、好精緻嘅保濕提亮感。最神奇嘅係，去完戶外暴曬一日之後，以前塊臉好容易發紅同暗沉，而家完全無變黑，皮膚恢復淨白嘅速度明顯快咗好多！

3 配方溫和度如何？會唔會熏眼？
係有少小熏眼，但無流眼淚！
用後有少少刺激咸，臉部敏感肌慎用，但用係身體上面完全💯，我就係當身體防曬咁樣用。

最後總結：
水感質地超級適合香港濕熱嘅夏天，強烈推薦畀所有怕曬黑、驚長斑、或者戶外活動多嘅朋友，絕對值得無限回購！