DHC

橄欖護唇膏

DHC潤唇膏由有廉航開始，多人去日本做代購嘅年代開始興起，而家香港多咗好多日本藥妝店，香港都容易買到，價錢大概$6x/2.5g，去開日本行藥妝買平好多。如果喺香港買日本牌子潤唇膏會有其他性價比高啲嘅選擇。

黃色膏體，偏幼身，膏體比其他支裝潤唇膏軟軟身，上嘴保濕度高滋潤度好，但又唔會令到個嘴好黏立，嘴唇柔軟舒服。

不過但係如果擺得太耐冇用，會有一浸臭味，建議開封後盡快用晒。夏天好容易變軟漏出黎，冬天還可以。