AHC

安瓶精華天絲纖維面膜 [玻尿酸保濕]

最近轉天氣，塊面又開始覺得繃繃緊，甚至有啲甩皮。用左呢款AHC玻尿酸安瓶保濕面膜，效果幾好，同大家分享吓！

✨ 第一印象 ✨
一打開盒，見到佢係錫紙包裝，感覺幾高級同衛生。

💦 精華液多到瀉 💦
拎出塊面膜，第一個感覺就係：哇！啲精華多到呢！成隻手都係，質地係有啲黏稠嘅，但唔會話笠滋滋。主要成分係高濃度玻尿酸。

🧖‍♀️ 上臉感受 🧖‍♀️
塊面膜紙係纖維材質，厚度適中，承托到咁多精華液。面膜紙剪裁都幾貼面，唔會容易移位。尤其係鼻翼同嘴角呢啲平時好難照顧到嘅位置，今次都乖乖哋貼住。敷上臉嗰陣，感覺好冰涼好舒服，尤其係你放喺雪櫃雪一陣先拎出嚟用，個感覺正到呢～即刻醒神！

敷咗大概15-20分鐘，其間塊面都係保持住水潤感，唔會話好快乾。

🥰 效果檢討 🥰
到最緊張嘅環節——除下面膜！
真係要講句：嘩！塊面即刻亮白咗一個度，摸落去好滑溜，好似飲飽水咁！ 平時有啲乾燥引起嘅細紋即刻睇落淡咗。最好嘅地方係，佢唔係即時假象，第二朝起身，塊面依然Keep到水潤狀態，上妝真係貼服好多，冇再瘋狂卡粉！

👍 優點總結 👍
1. 保濕力超強：玻尿酸真係名不虛傳，深層補水，抵禦乾燥一流。
2. 精華量足：分量多到可以順便敷埋頸同對手，絕不浪費。
3. 剪裁貼心：可能針對亞洲人設計，真係貼面好多，活動起上嚟都唔易甩。
4. 急救效果好：皮膚極度乾燥或者妝前用，效果立竿見影。

👎 少少缺點 👎
1. 不同地方買價錢差好遠：相比開架面膜，佢屬於中高價位，萬寧屈臣氏買就比較貴，普通街邊藥房買就平好多。
2. 精華太多會滴落來，取出同敷時要小心：精華太多，敷完要輕輕按摩等佢吸收，或者用清水過一過先瞓覺會舒服啲。

💡 總體來講 💡
如果你係大乾肌，或者秋冬成日覺得塊面好似沙漠，呢款AHC面膜絕對係一個值得投資嘅急救型選擇！尤其係有重要日子之前敷一塊，包你底妝靚靚，全日信心滿滿！

會唔會回購？會！已經成為我對抗香港冷氣同秋冬乾燥嘅必備武器之一！