shu uemura 植村秀

unlimited 水潤隔離防曬底霜

呢款植村秀 unlimited 水潤隔離防曬底霜（beige）我係喺專櫃贈品嗰度拎返嚟，用完之後感覺真係唔太理想，唔係好推介。

首先，佢嘅質地偏厚，用落唔算太水潤，推開嘅時候有啲難度，而且唔係好貼皮膚會浮喺面上，令妝感睇落比較假。重點係可能因為唔夠貼服，用完之後皮膚有啲暗沉，提亮效果幾乎感受唔到，呢點真係比較失望。

再配合佢同品牌嘅底妝、蜜粉 同埋定妝噴霧一齊用效果都唔係好理想。底妝上面後冇幾耐已經開始有卡粉同甩妝嘅情況，妝容持久度唔高，對我嚟講有啲唔實用。控油效果亦唔突出，防曬功能一般，衰啲講句哂錢哂時間！

整體嚟講，如果真係想試，建議先喺專櫃試清楚，睇下係咪適合自己皮膚，雖然專櫃啲呀姐通常都係水你買嘢（由其是APM嗰間）。