naturaglace

Makeup Cream N

當初買呢款防曬，最主要係看中佢嘅成份非常好，非常天然，連孕婦都用得，而且平時淨係用洗面奶就可以直接卸除，對皮膚完全無負擔，啱晒懶人。
佢本身帶有輕微嘅潤色效果。平時如果想妝感濃少少，直情可以搽多幾層，佢嘅遮瑕力同修飾度高到可以直接當粉底使用。因為佢嘅質地屬於比較滋潤嘅類型，所以搽完之後一定要記得上返層碎粉去定妝。定咗妝之後，整體效果都幾持久，望落好自然，亦都唔會出現溶妝甩粉一撻撻嘅情況。雖然佢偏滋潤，但只要加埋碎粉，對我嚟講絕對係夏天嘅好選擇。