ELIXIR

膠原彈潤精華噴霧

夏天長時間喺冷氣房皮膚抽到乾哂，有枝保濕噴霧喺身都可以幫到手。香港好似比較少人講呢枝噴霧，但其實早幾年喺日本好hit，而我當然都喺日本買咗黎試啦。手掌大細嘅膠樽裝，放便帶出街。香港比較多人用嘅保濕噴霧可能係第二隻牌子嘅壓縮噴霧樽，但 我相信有人同我一樣覺得香港咁熱唔想袋住壓縮樽出街。但唔好睇佢係噴樽，佢噴出嚟嘅水霧都好細，妝後噴都唔會影響妝容，佢個樽好到令我想用完拎黎裝定妝噴霧。 入面內容物有分兩層，用之前要搖勻佢。可能就係因為佢有啲水以外嘅成份，噴完當刻即刻有保濕感以外，個潤嘅感覺都持續得比較耐。同埋佢陣香味都有種療癒感，但又唔會殘留好耐，有時做野想轉換下心情拎嚟噴下都唔錯。