ettusais

極幼柔滑眼線筆

呢個牌子出嘅眼妝product真係要試真係要買。本身都已經買過好幾次ettusais 嘅眼線膠筆同睫毛膏。呢支眼線膠筆真係好正，防水防汗，唔會化完妝過咗幾粒鐘之後散埋一舊，顏色出得超順滑，超顯色。用嘅時候要小心唔好一次過扭太多，因為佢扭完係收唔返入去嘅。如果覺得本身條眼線畫得好粗，用指甲輕輕一滑就即刻變到又尖又長。
本人實測，由朝頭早六點去到夜晚八點返到屋企，冇甩過色冇暈染冇脫妝，完全keep到，我中途仲要踩咗兩個鐘頭單車，出晒汗，佢都仲喺度就知咩料啦。