ettusais

極幼柔滑眼線筆

用咗ettusais呢支極幼柔滑眼線筆幾日，感覺都幾順手。
筆芯夠幼，質地軟滑，輕輕一劃就有色，唔使大力壓，畫內眼線都唔會拮眼，新手都相對易控制。顏色自然，微啡調，妝感唔會太死板。持久度都唔錯，大半日都唔會大範圍暈開，油眼皮都頂得住。
我覺得特別適合日常返工返學，鐘意自然妝容嘅sis。
卸妝都幾易，用眼唇卸妝液輕輕抹就得，唔使大力捽。
細小缺點就係筆芯轉出嚟之後收唔返，轉多咗容易斷；筆芯偏軟，有時畫極幼線會稍為粗啲，要小心用力。另外如果眼皮特別油，尾段可能會淡少少。
整體嚟講係中等偏上，日常用幾舒服，價錢都親民，值得一試。