Dior

傲姿唇膏

Product: Rouge Dior 唇膏
色號: 999 Velvet

顏色: 佢係好經典嘅正紅色，搽一層已經好實色，出到嚟個紅色好出好有女人味。不過講真呢隻紅對我嚟講有少少太成熟同隆重，感覺要襯返成套妝同埋著得靚靚先會襯得起。我平日多數化淡妝，所以用佢嘅機會唔係好多，多數係夜晚出街或者見客先會拎出嚟用。

質地同使用感: 佢係偏啞光，上嘴個下都幾順滑，唔會卡。但係佢係偏乾。如果我冇做好 打底，個嘴唇有少少乾嘅話佢就會好顯唇紋。所以我要先用潤唇膏打底 等幾分鐘吸收咗，先會搽呢支唇膏。咁樣先會貼服同冇咁易顯乾紋。

持久度: 算係幾好，飲水會印到少少喺杯邊，但個底色依然會留喺度 整體嚟講都算係襟。

總結: 如果你鍾情啞光、極緻顯色嘅經典紅色，又唔介意用之前要打好個底，咁呢支唇膏係唔錯嘅。不過對於我個人嚟講 呢支唇膏嘅色調有啲難融入日常，加上質地對我嚟講唔夠方便（一定要打底），所以佢喺我化妝袋入面，都係一支「有特別場合先會用」嘅唇膏，而唔係一支可以隨手拎嚟用嘅日常愛將。