提提研 Timeless Truth Mask

TTM 黑蜂蜜活源新肌生物纖維面膜

試過同一條line嘅保濕金箔黑面膜之後，終於試咗今次呢款進階版~💕

進階版除咗價錢上反映到之餘，效果上，以及用料上都充分反映出嚟。首先，再一次一打開包裝啲精華液多到漏哂出嚟，今次我拎嚟搽埋條頸、雙手、對腳😝，因為咁多精華液真係唔想浪費，但大家可想而知佢精華液嘅份量有幾多~

其次，面膜用料同黑面膜係有天淵之別，黑面膜已經比一般坊間面膜為厚，而蜂蜜呢款係再嚴密保護啲，佢有兩片網狀保護膜包住，撕開網狀保護膜之後，面膜嘅真身，係一片有少少似果凍嘅生物纖維面膜，手感非常得意。雖然比黑面膜再厚啲啲，不過由於佢用咗生物纖維技術，只要輕輕按一按，唔貼服嘅位就會「癒合」咗咁，好有趣😂😂

不過亦由於面膜精華液含量太高，加上有一定厚度，如果企響度耐咗佢會有少少向下移位，我會建議大家訓係度好好享受敷面膜嘅過程~

最後啦，敷完出嚟成塊面都有陣陣蜜糖香味，精華液依然有好多，所以我會慢慢打圏按摩直至吸收哂所再精華液，過咗一耐好快就吸收哂，而佢係一啲都唔痴手！！！由於最近我比較忙（同埋懶），所以隔咗幾日無敷mask，今次敷完，成塊面即刻水潤飽滿返哂💕💕