CLINIQUE

100小時自我修護水嫩補濕啫喱（粉紅爆水啫喱）

整體唔錯，補水鎖水，適合夏天使用✨️
啫喱狀易推開，淺粉色推開後無色，一打開無明顯香料味，用力聞有少少護膚品味，唔刺鼻唔刺激，用完亦無敏感情況出現。
啫喱狀得黎唔會太水，搽完快吸收，面個層feel到有少少油性所以鎖到水，主要係補水功效，用完明顯肌膚更水潤，補水方面非常不錯。唔會話太黏嘅感覺，亦吸收得快，可以持續到一個夜晚。但係唔會話非常滋潤，主要啱年輕同敏感肌使用，成熟肌同冬天未必夠用，會好快無曬。
我係夏天無冷氣只開風扇情況底下用，到朝早塊面都係水潤水潤，但係如果開冷氣用，可能係唔夠保濕再加上佢本身有少少油性，而我又係缺水會出油嘅油性肌，所以開冷氣用朝早會有少少出油。
整體而言係一個不錯補濕功能嘅產品，唔敏感唔刺激，不過就唔會太話潤，性價比上正常唔算突出，不過效果不錯