KOSÉ

定妝防水噴霧 EX

令我好驚喜嘅產品！自從戴口罩之後就冇點化底妝 ，就算用其他品牌嘅定妝噴霧都冇乜功效。見呢支上咗排行榜就把心一橫買黎 試吓啦 ，$85一支(85ml)價錢唔算好平，除翻開$1/ml。留意翻我用嘅係白色樽，白花個款。

我嘅使用方法：先將粉底點係臉上，然後噴定妝水，之後用化妝扑blend開~ 呢個時候會覺得底妝有啲太濕，可以過一陣等粉底+ 定妝水 稍為乾左少少，再上碎粉定妝。(所有粉類產品都可以先上， 胭脂，光影，陰影等) 最後再平均噴多層定妝水係 臉上，再用風扇/自然風乾。

值得稱讚嘅係噴頭非常高質，噴霧非常幼細，可以好平均噴係臉上！ 口罩戴左大半日，底妝依然好貼好靚，keep到7-8成。由於我係做sales，要成日講嘢，底妝會經常同口罩磨擦，用咗呢支定妝噴霧後簡直係覺得自己發掘到好物！