SHISEIDO MAQuillAGE

Dramatic Powdery EX

唔係講笑，依個應該係唯一可以係冬天或者極乾天氣下使用嘅粉餅～

有時帶妝耐得濟我會係日中落妝再上多次妝，
但無理由帶枝粉底液翻公司咁大陣仗，
所以我會隨身帶住粉餅，唔上妝都方便補妝～

首先冬天嘅使用感係超級滿意！！
佢上妝後時間耐左係變好靚好靚嘅奶油肌，
除左粉質本身好細滑之外粉質保濕度都非常足夠，
就算妝前保養做得唔太足夠都唔怕，
就算去北海道用佢底妝都係可以好貼同好持妝！
所以連坐飛機我都係用依隻粉餅上妝～

但香港依隻粉餅夏天用可能控油同持妝度會稍微不足，
鼻翼和下巴會比較容易出油，有脫妝嘅情況，
但其他部分都可以保持貼服嘅奶油肌～都唔太會暗沉～

**注意選色部分
我用最白嘅色號OC00都會有啲黃，
而換左佢最新出左嘅偏粉調嘅色號BP00之後就好少少
如果你日系粉底色用開明亮色、淺膚色之類可以參考下～