SABON

死海鑽奇三合一磨砂面膜

夏天容易出汗易分泌油脂，要介紹下Sabon呢個三合一死海磨砂面膜，一罐容量好大，可以用好多次！！！

打開後見到好深黑灰色嘅死海泥，洗乾淨面後，就敷喺面上，我會敷得比較厚，等10-15分鐘左右就可以清洗，等待期間會有一點點白色野浮出黎，個人覺得係死海鹽？？？或者係佢啲磨砂粒子，洗嘅時候加水再打圈按摩，可以deep clean皮膚同時去角質，洗嘅時候要啲時間，因為個面膜真係好黑，唔係咁容易洗走哂。

洗完感覺到皮膚好乾淨，但會稍為偏乾，要用toner保濕返會比較好，一星期用2次就夠，整體而言，以泥膜黎講，效果係洗得幾乾淨嘅，呢隻有個特點係容易搽上面，因為呢隻死火黑色泥有少少濕度，以前用過有啲泥膜開得耐會乾左，但呢隻唔會，所以呢點都值得稱讚。