RMK

透亮礦物潔面霜

第一次用RMK呢個品牌嘅產品，呢款透亮礦物潔面霜用後感都幾滿意。

佢唧出嚟係粉紅色杰身gel狀，冇用起泡網，淨係用雙手加少少水都可以搓到綿密嘅泡沫。可能因為成份有火山礦物泥嘅關係，泡沫比起其他潔面產品厚實同綿密，喺面上打圈都唔會覺得拉扯皮膚，感覺好温和。佢帶一種好似淡香水嘅淡雅香味，潔面嘅時候聞到覺得舒服同放鬆。

即使正值秋冬季節，清面之後皮膚都冇繃緊感，仲feel到有種水潤感，好似啱啱敷完補水mask一樣。連續使用一排，覺得面上毛孔清潔度有改善，皮膚亦都細緻咗。一支潔面霜足夠用兩個月，計落價錢都唔算貴，值得推介。