YVES ROCHER

防脫髮洗髮露

首先好開心成為Cosme第10屆美狀元！！！

估唔到寫下寫下原來就寫咗咁多篇，
嚟緊我會繼續寫多啲好評/差評 俾大家參考🤪

今次寫呢個牌子係我第一次接觸，
我收到嘅獎品其中之一係依個品牌嘅洗頭水。

收到嘅時候我第一時間就係打開聞下佢咩味，
因為比起沖涼液，洗頭水味last嘅時間耐好多，
一唔岩聞就要忍好耐hahaaa
不過佢好好聞！係好天然嘅香味！不過我無深究係咩調香～

依隻洗頭水係透明Gel狀嘅，
我中長厚髮，平時洗頭水用量大概2泵，
可能Gel狀所以難起泡啲？
依隻洗頭水我要用到差唔多4泵先夠。

而我最記得係沖水嘅時候，
我甩頭髮嘅量少左一半有多！
我以為係咁岩當日甩少左頭髮，
到寫評價先知原來依枝係防脫髮洗髮露，
果然產品如其名，完全反映到功效！

另外用完第二日訓醒頭髮都無打kick嘅問題出現，
真係好多謝Cosme令我發現新世界！！

唯一缺點係佢唔係泵頭而係要自己倒，
一唔小心就會倒多左出黎，有啲心痛🥹**透明gel狀嘅洗髮露~伴隨住舒服嘅淡香~~