呂 RYO

韓蔘滋養防脫髮洗髮液 (油性頭皮適用)

申請時填寫咗自己係乾性頭皮同非常乾旱髮質，有輕微容易掉髮斷髮，所以本身期待收到修護系列。但可能由於係隨機發出，最後收到嘅係油性頭皮用嘅套裝。
首先洗髮液雖然話係滋養防脫，而且睇介紹都寫明有9項養護功效，包括頭皮保濕、強韌髮絲、改善毛躁etc，但應該都係唔適合我。
使用頭三日其實明顯感受，的確頭皮好乾爽，但改善毛躁及光澤方面較差。髮尾明顯更乾，而且第二朝瞓醒都易打kick，而到第四日開始先係大問題。洗頭時，頭頂髮根開始非常kick，難以按摩，而且斷髮亦因為太乾打kick而變得嚴重。

同一時期，我請一位真係油性頭皮嘅家人同我一齊試用，佢嘅感受係用後頭皮當刻係較其他洗髮水清爽，但效果維持唔到，第二日未到中午其實已經開始油返，而且使用三四日後，頭皮明顯增多。不過中肯而言，我摸落家人髮絲嘅手感似乎變得強韌咗，但家人本人唔覺。

截至提交心得呢刻，我或家人其實都感受唔到呢款洗髮液對乾性頭皮或油性頭皮嘅幫助，而對乾性髮質嚟講，呢款洗髮液的確完全唔適合。但對柔軟扁塌髮質嚟講，雖然冇改善扁塌問題，但過於柔軟幼細嘅頭髮的確有變得粗壯。