呂 RYO

韓蔘滋養防脫護髮精華素 (強化髮根適用)

申請時填寫咗自己係乾性頭皮同非常乾旱髮質，有輕微容易掉髮斷髮，所以本身期待收到修護系列。但可能由於係隨機發出，最後收到嘅係油性頭皮用嘅套裝。
同一套裝內，護髮精華素嘅效果似乎比洗髮液更好，由於我本人係乾性頭皮及髮質，我請一位真係油性頭皮嘅家人同我一齊試用，而我地都無法感受到洗髮液對乾性頭皮或油性頭皮嘅幫助。

相反，護髮精華素聲稱會有嘅效果，喺家人嘅髮絲上，效果似乎甚為明顯，但喺我嘅髮絲上，就似乎冇任何效果。
可能由於洗髮液太乾，我使用四日後，因髮根好乾kick住頭髮，導致斷髮明顯增多，就算防脫嘅護髮精華素都無法補救。
但係家人嘅髮絲上，因家人係油性頭皮及髮質，洗髮液剛洗完嘅清爽對佢嚟講其實啱啱好，而且家人係短髮，減少咗抽乾頭皮髮根後長髮會明顯有感嘅拉扯。家人表示，護髮精華素可以用於頭皮按摩，用後涼涼哋，唔乾唔油唔痕，非常舒適。
而雖然家人本人唔覺，我摸落家人髮絲嘅手感似乎變得強韌粗壯，但斷髮情況似乎冇太多改善。

整體嚟講，護髮精華素單用或配搭其他修護洗髮水用，應該更能突顯佢強化髮根髮絲嘅效果，但不建議配搭套裝嘅油性頭皮洗髮液。而護髮精華素所聲稱嘅多重效果，除髮絲有變得強韌外，其他效果唔明顯。
但介紹話其實需要使用6週先開始見到真實效果，所以亦有可能係試用時間唔夠。