SOFINA iP

毛孔淨澈重點洗顔啫喱

之前買咗呢款SOFINA iP毛孔淨澈重點洗顏啫喱。使用方法好似好方便，洗面之後，濕面使用，輕輕打圈30秒，用水洗淨就可以，建議每星期使用1-2次。比起之前用過嘅韓式三步曲「豬鼻貼」，的確節省唔少時間。

SOFINA呢個牌子不嬲都好貼心，產品上會有圖示標識每次使用份量。佢係灰色gel狀，有少少氣味，但唔算好難聞。跟足使用方法使用，可能係秋冬季，用完感覺有啲乾，不過feel到皮膚係清爽咗。keep住用咗兩個星期左右，鼻頭粉刺狀況未有好明顯改善，會keep隻使用再觀察效用。

比起黑頭貼，佢就少咗對皮膚嘅拉扯，如果敏感膚質又想温和重點改善毛孔清潔度，可以一試。

配合返我個人嘅膚質，比較適合春夏季節使用，如果秋冬用，後續會用返補濕功效高啲嘅面霜，舒緩返皮膚嘅乾燥感。