SOFINA iP

毛孔淨澈重點洗顏啫喱

Sofina 毛孔淨澈重點洗顏啫喱 — 主打溫和清潔，保濕做得唔錯✨

好開心Cosme送咗呢支試用品俾我 ，以下係誠實測評🫡

質地：
呢支洗顏啫喱嘅質地同平時用開嘅洗面產品唔同，佢係比較厚身嘅啫喱狀，有少少似凝膠。搽上鼻翼、下巴呢啲想重點清潔嘅位置嗰陣，好貼皮膚，就算塊面濕潤嘅狀態下用，佢都唔會跣嚟跣去，可以好精準咁停留喺目標位置，呢點幾加分。

效果：
我本身混合偏油 鼻翼同鼻頭特別多黑頭粉刺，呢支主力用喺毛孔粗大嘅位置。用完之後，鼻頭嗰種顆粒感有少少改善，皮膚摸落滑咗。最令我滿意嘅係 佢洗完之後塊面唔會好乾好繃緊，保持到水潤感，呢樣對偏油肌嚟講幾重要，因為有時過度清潔反而會搞到啲暗瘡位置更加敏感。

可改善之處：
佢對已形成嘅黑頭唔係話一次半次就清到好徹底，需要持續用先見到比較明顯嘅效果。同埋佢嘅清潔範圍比較集中，如果諗住成塊面都用佢嚟洗，可能會覺得有啲唔就手，當係局部清潔/護理產品會更合適。

總結：
呢支啫喱適合想溫和處理粉刺、又怕洗完塊面太乾嘅朋友。雖然佢唔係咩強效深層清潔嘅產品，唔會令你用完即時變零毛孔，但勝在夠溫和、保濕度好，配合返日常嘅洗面程序，當作一星期用幾次嘅重點護理，都算係稱職嘅選擇。