SOFINA iP

毛孔淨澈重點洗顏啫喱

多謝 @cosme 抽中我試用 SOFINA iP 毛孔淨徹重點洗顏啫喱。
一直都係Sofina粉絲，喜歡用佢嘅base，今次抽中呢支洗面啫喱後，更加喜歡呢個品牌。
第一使用感覺覺得質地有趣，需要多啲時間推開佢，但洗完後明顯feel到乾淨咗好多，不過冇慕絲洗面咁保濕，但都唔會乾。
個啫喱真係可以抓實皮膚，需要按摩起碼10秒先可以推混，不過按摩期間唔會覺得刺激，非常溫和。
使用之後明顯覺得重點部位，鼻，下巴，更加乾淨，又唔會乾，有好輕微嘅保濕感，但用後皮膚即時細緻，平滑咗。
用咗一段時間後黑頭粉刺明顯少咗，毛孔都冇咁粗大。
感覺上都唔可以成日用，因為清潔力都幾有感，包裝都有寫係間中用。
佢有最近好紅嘅T R I S成份，的確做到佢講嘅瓦解殘留角栓，推薦皮膚污糟人士，夏天非常適合！

唧出嚟有凝膠感，黑色嘅，好有趣

推開需要啲時間，沖水後嗰一忽皮膚明顯變得比較滑