SOFINA iP

毛孔淨澈重點洗顏啫喱

收到試用【SOFINA iP｜微米碳酸瞬亮洗顏慕絲 + 毛孔淨澈重點洗顏啫喱】，首先想講嘅係收到時個盒已經爛咗，雖然入面產品冇事，但都希望下次可以改善。

首先講微米碳酸瞬亮洗顏慕絲
用完感覺幾清爽乾淨，最鍾意佢質地係泡泡類，加水就會起到幾細緻嘅泡。用落去嘅感覺係洗完唔會太乾，而我皮膚本身唔算好乾嗰種。清潔度算明顯，係幾乾淨。皮膚觸感有好咗，當然唔係即刻變白咁誇張，但係覺得清爽同埋都有少少透亮感。

本身習慣早同晚用唔同產品洗面，我覺得夜晚用都啱，尤其係返完工出完街返到屋企想快d洗乾淨嗰陣。

另外毛孔淨澈重點洗顏啫喱
係針對部位清潔，乾淨度更集中。用法我係洗面時先用啫喱喺T字/毛孔位/容易出油嗰啲位置輕輕按摩，跟住再用清水洗走。

用落嘅感覺覺得針對性幾強，洗完個d位覺得幾乾淨。而鼻有油嗰d位會更快清到污糟野出嚟。但如果皮膚本身好易敏感/好薄皮，就唔好搓太耐，輕輕推下就得。

我覺得呢支好適合夏天出油、鼻翼/下巴毛孔位容易污糟出油嘅人，所以冬天我未必用得咁密。

如果你問我值唔值得買齊兩支？我覺得就要睇你想點。如果想每日基本清潔＋舒服乾淨，用慕絲就已經夠。但想針對毛孔位、T字位乾淨d，就加埋啫喱一齊用。我自己係主要用慕絲洗面，覺得有需要先喺毛孔位補用啫喱。整體算係好用，尤其係想清潔得乾淨但又唔想洗到好乾嘅人。