Cetaphil 舒特膚

舒特膚潤膚膏

作為一個長期受濕疹困擾嘅人，Cetaphil呢支潤膚膏真係 要常備在家看門口。

質地比較厚身， 推開留低滋潤感，好似形成一層保護膜咁。完全無添加香料、酒精同Paraben防腐劑，用落超級安心！就算濕疹發作、皮膚紅腫痕癢時用，都完全唔會刺痛或加重敏感，反而能即刻舒緩乾燥同不適感。

夏天用可能會 覺得有啲黏立， 不過冬天真係救星。用完之後皮膚即刻變得柔軟，保濕力可以維持足一整日！ 平時出街洗完手都會覺得好乾，但因為有濕疹嘅關係，我唔用得 一般嘅hand cream，所以都會裝定少少呢支cream擺喺手袋， 一搽完即刻舒服晒。

真心推薦俾濕疹肌嘅朋友！雖然質地厚身少少，但保濕同修復效果絕對滿分，同埋平時啲濕疹護膚品閒閒哋都 幾百蚊， 呢 一甖潤膚膏大大盒550g都係百零蚊，真係性價比好高，係我會無限回購嘅急救保養品！