JOSERISTINE 彩豐

皮奧寧祛痘．強效消炎膏

多謝 @cosme 抽中我試用 [JOSERISTINE]皮奧寧祛痘系列嘅產品。咁啱左右面接住生咗幾粒暗瘡，試用啱晒😂呢啲位嘅暗瘡我成日唔小心r到，勁痛好想多啲消。呢支消炎膏嘅質地係偏向清爽嘅膏狀，點喺暗瘡吸收得幾快，都唔會好似其他暗瘡膏咁，搽完隔日患處乾到爆皮或者結塊。佢入面有積雪草同茶樹油，用喺發炎位置幾有鎮靜感，用咗幾日，粒紅腫瘡確實係消退得快咗，冇咁痛。至於淡化舊痘印就需要少少時間，但對付剛起嘅新痘印效果算係幾明顯，唔會留低好深嘅黑色素。睇第二張相就見到舊暗瘡已經消咗，得返少少印。以呢個價位嚟講，係一支幾work嘅暗瘡膏。