JOSERISTINE 彩豐

皮奧寧祛痘．強效消炎膏

今次好幸運抽中體驗JOSERISTINE 皮奧寧祛痘產品，最近天氣又濕又熱，塊面同背脊心口都生咗好多粒粒，呢個系列就可以幫我從臉到身全方位解決痘痘煩惱。

我目前面部主要係keep住會有暗粒同埋含膿嘅痘痘，夏天出油情況較多，間中會有突發性紅腫大粒痘痘，至於身體（背部/胸前）嚴重程度比較輕，主要係閉口性粉刺。熬夜、壓力大、飲食偏油偏甜、經期荷爾蒙變化、戴口罩、運動流汗積聚細菌、清潔不足呢啲不良嘅生活習慣都係導致以上的痘痘及肌膚困擾既成因，而我天天經常做足晒以上嘅不良習慣，所以皮膚keep住冇太大改善。

洗完面之後第一步，先用強效消炎膏，佢質地係乳白色膏狀，一打開就聞到茶樹油既香氣，搽上面好容易就推開，皮膚能夠迅速吸收，感覺質地輕柔唔會黐立立亦都唔會好刺激性。用咗一個星期，下巴同面既痘痘消退發炎的效果明顯，真係可以幫助痘痘加速痊癒。連續使用之後，患處的油脂分泌有顯著改善，我下巴的痘痘疤痕明顯淡化。除咗有改善色素沈澱效果，使用之後肌膚亦都無一般暗瘡膏容易導致繃緊或脫皮的狀況，溫和度與保濕度都十分理想。