JOSERISTINE 彩豐

皮奧寧防痘．身體護理噴霧

好開心今次獲選試用 JOSERISTINE 皮奧寧祛痘系列！我本身係混合偏乾肌，T字位易出油，但面頰偏乾。今次香港夏天又熱又焗，本身已經好易焗出粒粒。最慘係前排趕project，壓力大到爆，晚晚捱夜，搞到荷爾蒙失調，面頰爆發咗幾粒又紅又腫嘅暗瘡，仲有啲暗粒同粉刺，摸落塊面鞋鞋哋。連背脊同心口都因為出汗焗住，生咗好多小暗瘡同紅印，真係好困擾，見到都唔開心。

Step 1：強效消炎膏 — 重點出擊，快速退紅消腫

面部生咗粒粒，於是即刻搽咗呢支消炎膏。佢係淡綠色凝膠質地，好清爽，仲帶有淡淡嘅茶樹油香味，唔刺鼻。唧嘴設計好方便，唔會唧到成手都係。搽上臉好易推開，仲有少少清涼感，好快就吸收晒，完全唔黏笠。

重點係，搽咗第2日已經見到粒暗瘡開始褪紅消腫，大約3-4日就平返，效果比我用過嘅其他暗瘡膏更快見效！最驚喜嘅係，用後皮膚完全冇變乾、冇脫皮，keep到水潤，對我呢種混合偏乾肌嚟講真係加分。


Step 2：清爽乳液 — 全臉保濕控油，皮膚變聽話

搽完消炎膏之後，我會全面搽上呢支清爽乳液。佢質地好輕盈水潤，唧出嚟係白色乳液狀，推開好快就滲透入皮膚，唔會覺得黏立。最初用嗰兩日，因為佢實在太清爽，我仲有少少擔心保濕度唔夠，但用多幾日後，皮膚開始適應，完全冇再覺得乾，反而第二朝起身洗面，塊面係滑溜保濕嘅。

最明顯嘅改變係，以前返工到中午T字位已經出晒油，但呢排明顯控油咗，成日keep住清爽。而且呢排雖然有少少泛紅同暗粒，用咗呢支乳液後，皮膚穩定咗好多，冇再惡化。


Step 3：身體護理噴霧 — 清爽降溫，改善背脊粒粒

背脊同心口成日因為出汗而焗出粒粒，呢支身體噴霧真係夏天救星！佢噴嘴設計幾好，範圍夠大，反手噴都噴到背脊。噴上去有涼浸浸嘅薄荷感，夏天用超舒服，有助降溫。

質地勁清爽，完全唔黐身，噴完等一陣就乾晒。用咗兩星期左右，我發覺心口同背脊嘅小粉刺同紅印明顯減少咗，皮膚望落乾淨咗、光滑咗。雖然未至於完全零粒粒，但夏天可以大膽著返小背心見人！


📌 整體感受

呢套3-step護膚組合真係幾全面，由面部重點消炎、全臉控油保濕，再到身體預防暗瘡，一條龍照顧晒。我覺得呢個系列最適合夏天悶熱潮濕，或者皮膚容易出油、生暗粒粉刺嘅時候用。佢同我之前用過嘅暗瘡產品最大分別係，祛痘得嚟夠溫和，唔會搞到皮膚又乾又甩皮，用後皮膚摸落仲係柔軟嘅。整體膚況穩定咗好多，痘痘問題有改善，會繼續用落去！




#JOSERISTINE #彩豐行 #皮奧寧祛痘強效消炎膏 #皮奧寧祛痘清爽乳液 #皮奧寧防痘身體護理噴霧 #祛痘 #暗瘡救星 #控油 #壓力瘡 #香港夏天 #混合肌 #背痘 #身體噴霧 #@cosme香港