JOSERISTINE 彩豐

皮奧寧防痘．身體護理噴霧

多謝 @cosme 邀請試用 JOSERISTINE 彩豐 皮奧寧防痘．身體護理噴霧！我用咗大約一星期，同大家分享用後感。

我一到夏天就係典型「一油就出粒粒」嗰種，出多咗汗、皮膚一焗，背脊同心口就好易冒返啲紅紅哋嘅暗粒同小痘痘。呢支噴霧正正主打背部、前胸同上臂呢啲自己又睇唔到、又難搽藥膏嘅位置，啱晒我。

質地方面我好收貨——係好輕盈嘅水狀，噴上身完全無負擔，噴完輕輕一推開就好快吸收，唔會黐笠、唔會濕立立殘留一層喺度，著返衫都唔覺焗。噴嗰下仲帶少少清涼感。而且我幾鍾意佢嗰陣茶樹味，清清新新，唔會惡到攻鼻，聞落好舒服。除咗消炎防痘，噴完亦有種補水感，唔會好似某啲祛痘產品噴完乾巴巴。

至於用法，我習慣沖完涼、抹乾身之後噴，簡單快捷。真係要吹毛求疵嘅話，噴出嚟嘅水霧唔算最幼細，要用手推開。

效果就係最令我驚喜嘅部分。噴完第一次，第二日已經見到患處嘅粒粒明顯消咗炎、退咗紅，冇再谷大。連續用咗一個星期，新冒嘅粒粒都少咗好多，背脊同心口整體乾淨、平滑咗，皮膚狀況穩定咗。以佢親民嘅價錢加上噴一噴就搞掂嘅方便程度，作為夏天嘅日常身體防痘護理，我覺得好抵用，會繼續keep住噴落去。



可以見到噴完幾日後，心口位置（下圖）比上圖已經平滑好多噴出來完全輕盈水狀，用手輕輕一推就吸收