JOSERISTINE 彩豐

皮奧寧防痘．身體護理噴霧

多謝@cosme抽中今次既試用產品機會💌💌

香港夏天流汗多，油脂分泌又特別旺盛，唔單止塊面，連身體皮膚都好易出事！我自己一到夏天，身體部份例如手臂、背脊或者心口，有時就會因為啲汗水同油脂up住，搞到生啲紅卜卜嘅粒粒。有時嚴重起上嚟，仲會有啲帶有濃嘅暗瘡，搞到著小背心出街都覺得好尷尬。最近我試用咗「JOSERISTINE 皮奧寧防痘．身體護理噴霧」，用咗七日真係覺得要同大家分享下。

我習慣每次沖完涼、抹乾身之後，就會直接喺背部同手臂有粒粒嘅位置噴呢支身體噴霧。佢噴上身體嘅感覺係非常之清爽，啲水珠極易被皮膚吸收，完全唔會整笠啲衫。最正係佢帶有一種好舒服嘅涼快感覺，夏天用真係爽到爆，即刻幫皮膚降溫。

實測咗七日，佢喺改善發炎、褪紅同埋鎮靜方面嘅效果真係相當唔錯！我見到手臂上面嗰啲原本紅腫發炎嘅粒粒明顯褪紅，平復咗好多，冇再惡化落去。總括嚟講，我會強烈推薦呢支噴霧畀同樣容易出油同生身體粒粒嘅朋友，喺夏天或者有需要嘅情況下當作日常護理，真係可以大大減輕夏天生暗瘡嘅煩惱，著衫都自信啲！