JOSERISTINE 彩豐

12杯水啫喱保濕精華噴霧

首先多謝 @cosme 提供JOSERISTINE 12杯水啫喱保濕精華噴霧試用！

先利申，我係混合偏乾肌，兩塊面珠墩好容易甩皮唔貼妝。有時朝早上完妝，到下午就會開始乾，底妝就會唔係咁貼🥲我本身都幾鍾意用保濕噴霧，尤其我成日都要留喺冷氣房，塊面好容易乾🥲有時又唔想勞師動眾咁護膚，就需要呢種可以妝前妝後都用、即時補水嘅噴霧！

呢款保濕精華噴霧主打7重神經醯胺＋5重透明質酸，再配有機蘆薈、積雪草、抗敏精華等等。市面好多保濕噴霧都好似噴水咁，有時噴完同噴清水冇咩分別😂但呢隻保濕精華噴霧嘅重點係，佢唔係普通水狀！！！佢係啫喱形態嘅微細噴霧，噴落去會覺得均勻好多，唔黏立，但係又有即時保濕嘅感覺！

我最常用係冷氣房，或者覺得妝有少少乾嘅時候。噴一噴，皮膚即刻舒服返，妝感都自然返啲。另外，我成日會出街曬太陽🤣曬到面紅紅，就會拎佢出嚟噴，舒緩一下。佢細細支，帶住佢出街好方便！

如果你都係經常身處冷氣房而皮膚缺水，想隨手補水又唔想搞咁多野，呢款我覺得幾值得試！清爽、細緻嘅噴霧妝前妝後都好用🤣我會形容係懶人必備！