JOSERISTINE 彩豐

神經醯胺透明質酸12杯水滋潤啫喱

收到試用邀請，試咗呢支「12杯水滋潤啫喱」一陣子，嚟同大家報告下用後感～

一打開最吸睛係佢藍色透明嘅質地，睇落好似水感冰膏咁！

用落真係好輕盈透薄，擦上皮膚瞬間就溶開，吸收得好徹底，肌膚即時覺得補滿水，但表面依然保持好乾爽，好適合怕厚重感嘅朋友。

使用嘅小體會：
*優點： 補水好快，特別係退紅同舒緩表現唔錯。
要注意嘅地方： 因為佢係啫喱質地，如果用量過多或者猛搓，有機會跟後續產品撞到起屑（起搓），所以記得要薄薄拍開！另外乾肌秋冬用可能會嫌不夠滋潤，要自己再加些鎖水產品。

*我嘅使用習慣：
早晚當保濕步驟，取適量抹勻後用手掌輕拍吸收。想深層補水時，我會厚塗當水膜敷一會再抹走，皮膚會水潤好多！