JOSERISTINE 彩豐

神經醯胺透明質酸柔潤潔面膏

JOSERISTINE 神經醯胺透明質酸柔潤潔面135ml

一到轉季交替嘅日子，或者每日長時間喺冷氣房入面工作，我嘅肌膚就特別容易出現外油內乾嘅情況。

平日最常遇到嘅困擾係鼻翼兩側同面頰位置好容易因為缺水而浮現輕微乾紋，甚至有時會覺得面皮繃緊，但偏偏 T 字位又容易分泌過多油脂，搞到好難平衡。

所以喺挑選保濕或者護膚產品嘅時候，我一直好想尋找一啲質地清爽、唔會為肌膚帶來負擔，但係保濕續航力又夠持久嘅類型，可以真係幫底層補充水分，同時改善水油唔平衡嘅問題

喺冷氣房或者天氣乾燥嘅日子，肌膚嘅變化真係好明顯。平日喺室外可能覺得皮膚狀況尚可，但一入到開咗冷氣嘅辦公室或者商場，陣風吹一吹就即刻覺得水分被抽乾晒，皮膚會變得粗糙、暗啞，上妝嘅時候亦都好容易起皮屑或者浮粉。如果轉季嘅時候冇做好保濕，仲會容易敏感泛紅。

所以呢段時間好高興有機會試用 JOSERISTINE 呢套「12杯水皇牌系列」，入面包括神經醯胺透明質酸柔潤潔面膏、12杯水啫喱保濕精華噴霧同埋神經醯胺透明質酸12杯水滋潤啫喱正貨各一件，經過足夠時間嘅完整體驗後，肌膚嘅狀態真係穩定咗好多。

用緊呢款 JOSERISTINE 神經醯胺透明質酸柔潤潔面膏嘅時候，真係畀到我好大嘅驚喜。佢嘅起泡度非常適中，唧出嚟係質感柔滑嘅膏狀，加水之後好容易就可以喺掌心搓揉出嚟綿密細緻嘅泡沫。洗面嗰陣，啲泡沫喺面上輕輕按摩嘅觸感真係好舒服、好溫和，完全冇刺激感或者澀眼嘅情況，仲帶住淡淡嘅清香，令每日早晚嘅潔面程序變成一種享受

用清水將泡沫洗淨之後，肌膚嘅清潔感真係極高，用手摸落去完全唔會有任何討厭嘅假滑感，反而係好清爽、好乾淨，同時又保留咗適度嘅柔軟度。

最抵讚嘅係，用完呢款神經醯胺透明質酸柔潤潔面膏之後，完全冇出現平時用一啲強力清潔產品時常見嘅繃緊、乾燥或者刺痛感，肌膚洗完之後依然保持到好水潤、好飽滿嘅狀態，好似飲飽水咁

同我平時用開、洗完面會令面皮覺得好拉緊同乾爭爭嘅普通潔面產品相比，呢款潔面膏喺清潔力同保濕度之間真係平衡得好好。

佢唔單止能夠徹底洗走面上嘅污垢同多餘油脂，仲可以同時鎖住水分，洗完之後個膚感真係好舒服，係一款會令人想一直用落去嘅優秀潔面產品。