factiv

HYA3補濕修護精華

多謝@cosme抽中我參與試用「Factiv HYA3 保濕修護精華」。聽過呢個本地品牌好耐，不過一直都冇試過。
Factiv HYA3 保濕修護精華結合左四種唔同大小嘅透明質酸，令到每一層嘅皮膚都可以吸收到，增強肌膚保水能力。

佢嘅質地透明偏水狀，易推，好快吸收，亦唔會黐立立。至於有冇擦膠碎就要視乎自己平時用開嘅底妝產品同支精華夾唔夾。暫時手上兩款底妝同呢支精華都冇擦膠碎嘅問題，所以呢排化妝前都會用呢支精華，的確有令個妝貼啲。

但可能因為呢排天氣太乾燥，有鼻敏感令到鼻翼甩緊皮嘅我覺得冬天夜晚如果單用呢支精華未必夠力，要疊加其他產品。 不過如果用喺化妝前或者夏天早晚就好適合。

總括而言，我覺得呢支精華保濕力唔錯，亦唔會有一層膜咁喺塊面度。另外由於成份簡單，就算皮膚出現乾燥敏感，用佢做番保濕同舒緩都好安心。

搽咗一層已經無左乾紋 ：