factiv

HYA3補濕修護精華

首先好開心@cosme 抽中我今次做HYA3保濕修護精華嘅試用。 我記得當我收到支精華嘅時候，拆開包裝就覺得支精華Packing好靚，摸上手質感舒服。

我本身皮膚屬於敏感性皮膚，皮膚好薄，微絲血管都好明顯。加上天氣乾燥，所以皮膚更加容易乾到有微紅嘅狀態。

講返用後感，我覺得整體呢支精華好保濕，但一啲都 唔黏立。最大效用係我覺得佢好穩定我皮膚，甚至紅血絲嘅部位都有改善減淡。我覺得最大原因係因為支精華有補濕修護功能，令到我皮膚keep住有鎖水，所以變得好穩定。
大家可以睇睇對比圖，左面係我未用精華嘅時候，明顯見到好乾，同埋微絲血管好明顯。右面係我用咗精華一段時間，雖然微絲血管依然喺度，但係明顯有淡咗，同埋望落有光澤感，所以我覺得佢令到我皮膚穩定。

呢支精華嘅質地係水狀嘅質地，一泵就可以用晒全面，好容易推同埋唔黏笠。基本上你搽晒成塊面之後，已經吸收晒啲精華，所以皮膚真係好似飲咗水咁🤣
大家都可以睇吓我手背嘅兩張相，一張係搽咗精華，好潤滑嘅狀況；另一張相，係推開晒啲精華吸收咗嘅狀況，基本上已經吸收晒，真係好快🫡

所以整體我覺得今次嘅體驗好好，因為呢個牌子我都係第一次試。試嘅過程裏面我冇敏感，反而令到我皮膚好穩定，所以我都推介大家可以試吓。

希望我嘅用後感可以幫到大家，期待下次使用其他產品🤍