factiv

屏障修復面霜

呢罐已經係我買過嘅第二罐。首先Factiv係香港品牌我已經覺得要支持吓，同埋我好鍾意佢有清楚講明佢嘅產品主要有效成份係咩，等我知道自己用緊啲咩，可以做多啲research。呢盒CRM3主要加咗3% 神經酰胺複合物，可以幫補返流失嘅皮膚屏障脂質，強化角質層，減少水分流失。同埋加咗Tripeptide，有助膠原蛋白生成、撫平細紋。按真空按壓樽設計，免除咗平時廣口瓶面霜要另外搵匙羹同埋容易接觸空氣氧化嘅問題，我上一樽用晒嘅空樽都拎咗嚟裝其他面霜，真心鍾意呢種樽。係超級濃厚滋潤嘅質地，搽完覺得喺皮膚留咗一層潤嘅膜，但又唔係有一層油黐笠笠嘅感覺。我自己覺得好適合喺搽完精華之後，搽一層喺面封住啲水份同營養喺皮膚。
我本身係混合性乾肌，喺香港潮濕悶熱嘅夏天用係會覺得焗，但秋冬用就覺得唔錯，之前有一段時間住喺日本，佢都幫到我頂住日本超級乾燥嘅天氣。當我搽A酸嗰陣皮膚屏障有啲受損，有啲紅同甩皮嘅時候，我就會搽佢去修護返皮膚。