Medicube

DEEP維C亮白爽膚棉

雖然叫爽膚棉，但偏滋潤唔係爽嘅效果，對偏乾肌相對友好。唔會有刺激感，唔似用其他vit c產品咁有時會拮拮地。
有蜂蜜嘅香味，棉片一面有凹凸一面係平嘅，我通常用凹凸面抹全面當輕輕去角質。抹完後皮膚微粘，好似有層膜咁有光澤感，單用我會嫌佢會痴頭髮喺面，如果妝前用後續有搽其他野我就覺得ok。
當初揀佢係見佢話亮白效果，我就真係唔覺有明顯白咗嘅，但好老實佢只係爽膚棉，係護膚第一步，留喺皮膚嘅成份有限，唔可以要求太多。
整體我覺得ok可以回購嘅，但未到非佢不可，所以如果有其他想試嘅爽膚棉，我會試其他再決定回唔回購。