CANMAKE TOKYO

Make Me Happy 身體噴霧 - Taupe

一支茉莉紅茶+桂花嘅冷調身體噴霧 小眾氣質香

Canmake 化妝品一向都好受歡迎，估唔到香水用身體噴霧都咁得！

CANMAKE旗下make me happy系列，總共有七種味道，隻隻都好好聞！屬清香系，完全唔甜唔膩唔俗。

其中我最鍾意就係TAPUE，聞到嗰刻就知係佢啦。聞落好舒服好秋天，一陣秋意撲面而來。買咗返去行路時又聞下手腕，竟然聞到淡淡桂花冷香，返屋企查咗先知原來真係有桂花，仲要係主打香嚟。同時亦有茉莉花香味，兩隻花香味配合得天衣無縫！

前調：柑橘 紅茶 葉香
中調：桂花 鈴蘭 茉莉 水仙
後調：麝香 琥珀木香

呢個配香真係絕殺，每樣都係我心頭好。前調紅茶清香，中調加入花香帶出柔和感，後調用木香抑制花香嘅甜膩，係書香世家美人身上散發嘅味道。本來我對前中後調唔係太敏感，但呢支真係神還原。

好多大牌香水初噴都會有啲刺鼻，但呢支宛若天生體香。相反缺點係擴香唔廣，若隱若現咁。留香大概五個鐘左右，一支770日元。呢個價位調出呢種香，真係希望會出大支裝。