SHISEIDO 資生堂

EUDERMINE 曙光精華水

拎到sample可以試用呢款活膚透亮精華水，試用嘅時候，剛好係夏轉秋嘅季節，肌膚狀況相對嚟講係冇咁穩定。

產品說明建議喺健膚水後使用，佢帶有明顯香味，如果追求無香料人士就要留意了。佢嘅質地較為厚身，但好容易推開被皮膚吸收，搽完即時有滋潤感。使用咗幾日，感覺皮膚細緻、彈潤咗，亦都可以減低因轉季而出現嘅皮膚泛紅。穩定肌膚狀況方面，功效唔錯。至於產品主打另一項提升肌膚透亮感嘅功效，因短期試用，暫時未感受到。

有一點要留意，佢含有酒精成份，而且排喺成份表比較前嘅位置，加上有比較重嘅香味，敏感肌人士如果想試用，就稍為要注要了。