DECORTÉ

LIPOSOME ADVANCED 肌源修復補濕眼部精華

Liposome eye serum ， 敏感眼恩物！

小女患有中度錐型角膜，做過手術治療，對眼超級容易敏感；醫生再三叮囑停用一切會令眼睛痕癢、刺痛既東西…

呢支eye serum 用左差唔多快一支，回購了二支做存貨。佢有效令我眼周肌膚變強壯，並非常保濕，冇出任何奇型怪狀既油脂粒、過敏。 即使唔小心入左眼、眼過敏R 到眼角損晒紅晒，都唔會令眼睛感到刺痛，並有效修復破損既位置，絕對溫和有修復力既保濕眼精華。

比較Lancôme 既eye serum，Lancôme 質地較水狀、使用金屬頭存在衛生問題，而且佢會令第二朝早上眼睛特別多眼屎，幾唔浪漫。眼屎，會令我對眼睛勁痕Orz

Decorte eye serum，
每次使用擠壓一次為一隻眼份量，感覺良好；當初會擔心一邊唧一下會唔會潤到生粒？ 豪邁地使用官法用量左5個月，係唔會生粒既。雖然要比小許時間精華滲透落皮膚，事後再點上小許Elixir A醇眼霜、或Albion Excia brightening 曲酸眼霜係出奇地沒有過敏。（我單用呢二隻一係會出痘，一係會痕） ，能有效作為肌底產品配合功能性產品以作保濕打底減低產品活性過敏風險、減少功能性產品用量既用途。最緊要係，臨訓搽晒呢d第二朝可以美美地起床，眼屎比另一牌子眼精華小好多🫠可見滲透力是強效，而不是殘留+揮發掉。

大約3個月既使用期，黑眼圈係冇改善既，但細紋沒有出現。沒有過敏、有修復力、滲透性強地保濕，對我黎講係支100分眼精華！

（ 冬天果陣打左幾次R1 係眼底，外用呢支眼精華，個淚溝曾經消失過好一段日子。🥺）