QUALITY FIRST

激光超效維他命面膜

❄️冬季護膚，不得不提嘅當然係面膜！
雖然網上已經討論咗呢個網紅產品好耐，不過我都係近期冬季先至入手~

起初見佢主打美白、收毛孔功效，有少少擔心冬天用會唔會保濕力度不足，不過用完有驚喜！👆🏼袋入面嘅精華超多，我第一袋用到最後都係用唔晒👆🏼面膜材質抓緊到皮膚

精華液相當濃厚，而且滲透度好足夠，用咗一次，敷10分鐘後，已經即時感受到皮膚補水度有所增加，用後洗面都明顯感受到皮膚彈潤度增加。👆🏼面膜設計亦都算貼面，能夠將面膜嘅精華盡量吸收到皮膚入面，而且面膜冇多餘香氣，感覺純粹，將功力集中喺護膚之上。

👆🏼使用面膜後即時效果

美中不足係，連續使用兩星期，都冇話好明顯見到毛孔有所改變或者皮膚有明顯提亮膚色作用。可能呢款美白產品嘅功效未必係我身上好發揮得到。不過爾冬季咁乾燥嘅環境，呢款面膜保濕度仍然相當好，呢方面值得推介！