CANMAKE TOKYO

淚袋眼影

Canmake嚟講，我平時比較少用佢嘅眼影，因為平時唇膏、眼線筆、同埋胭脂先比較常用。呢隻06號色嘅淚袋眼影少女感滿滿，真係一隻好甜美嘅櫻桃粉色，好啱春天時使用。之前已經對其他色號 (01/02) 好好奇，因為個個都話好好用，但自己一直未有機會去買同嘗試。我平時比較少用咁粉紅嘅顏色畫眼妝，原諒我唔係好襯亦都唔係好熟悉隻顏色，我係跟住佢包裝盒後面嘅畫法去畫的🙏🏻🩷個人條件
我黃皮，唔笑嘅時候係完全冇臥蠶，要比較用力先至會突出到條臥蠶。06號色嘅淚袋眼影顏色唔算好顯色，對於化妝新手嚟講好友善，因為可以慢慢疊色。對於約會嚟講，顏色亦都好甜美。好欣賞佢呢個價錢閃粉都好細緻，呢個溫度嚟講持妝效果都唔錯！夏天大汗同出油嘅人唔知會唔會last到呢？🩷請注意
06號色比較啱行日系甜美風格，而且非常鍾意粉紅色嘅人使用。個人認為比較難carry，加上我本人係黃皮，粉紅色唔係咁襯我嘅膚色🥹而且都比較難日常使用，如果返工，我都係會偏向選擇較為低調嘅01/02號色，因為一下太重手好容易會好似敏感腫咗咁🤣呢盤建議用開粉紅色眼影嘅女仔用，始終唔係日常嘅顏色，失敗機率都會比較高！

設計方面亦希望海綿頭可以整細啲，因為我條臥蠶唔算好肥大，如果使用佢提供嘅海綿頭會比較難精準咁上妝。另外佢嘅陰影色有飛粉嘅問題，用佢個掃只可以輕輕力點完再喺手背畫幾下抓實啲粉。